पाकिस्तानचे माजी पंतप्रधान इम्रान खान यांची तुरुंगात हत्या करण्यात आल्याच्या बातम्यांमुळे खळबळ उडाली असून रावळपिंडी येथील आदियाला तुरुंगाला तेहरिक-ए-इन्साफ पक्षाच्या कार्यकर्त्यांनी घेराव घातला. तुरुंगाबाहेर इम्रान खान समर्थकांनी सरकार विरोधात जोरदार घोषणाबाजी केली. तुरुंगाबाहेर हायव्होल्टेज ड्रामा सुरू असताना पोलिसांनी खैबर पख्तूनख्वा प्रांताचे मुख्यमंत्री सोहेल आफ्रिदी यांना बेदम माहाण केली. याच व्हिडीओही सोशल मीडियावर व्हायरल झाला आहे.
लष्कराशी मतभेद झाल्यानंतर इम्रान खान यांना पाकिस्तानची सत्ता सोडावी लागली होती. सत्ता सोडल्यानंतर इम्रान खान यांच्यावर अनेक गुन्हे दाखल करण्यात आले. न्यायालयानेही त्यांना दोषी ठरवले. ऑगस्ट 2023 मध्ये त्यांना अटक करण्यात आली. तेव्हापासून ते तुरुंगात आहेत. तुरुंगात असतानाही त्यांचा पाकिस्तान तेहरिक-ए-इन्साफ हा पक्ष देशात सक्रिय आहे. इम्रान यांची सुटका होत नसल्याने त्यांच्या समर्थकांमध्ये प्रचंड अस्वस्थता आहे. अशात त्यांच्या हत्येची बातमी पसरली आणि इम्रान खान समर्थकांनी आदिया तुरुंगाला घेराव घातला.
🚨Chief Minister of Khyber Pakhtunkhwa, Suhail Afridi, was severely beaten by the 🇵🇰 military regime’s militias.
Pashtuns: It’s time to seriously think about their dignity, honor, & the future of their next generation.
The time has come to stand up against the military regime. pic.twitter.com/8fPcBPEMTD
— Afghanistan Defense (@AFGDefense) November 27, 2025
खैबूर पख्तूनख्वा प्रांताचे मुख्यमंत्री सोहेल आफ्रिदी हे देखील इम्रान खान यांच्या तब्येतीची माहिती घेण्यासाठी आले होते. यावेळी त्यांनी आणि त्यांच्या समर्थकांनी पाकिस्तान सरकार, सैन्याविरोधात घोषणाबाजी केली. यावेळी आफ्रिदी यांना केस ओढून जमिनीवर ढकलण्यात आले आणि मारहाण करण्यात आली. यानंतर वातावरण अधिक चिघळले आणि आफ्रिदी यांनी रस्त्यावर उतरून मोर्चे काढण्याचा इशारा सरकारला दिला.
Sohail Afridi asserted that this was not a planned sit-in but it was necessary decision taken at the spur of the moment, to draw attention to the sensitive circumstances surrounding their leader @ImranKhanPTI’s isolation, which has sparked widespread speculation worldwide about… pic.twitter.com/ZdckOw7jZO
— PTI Canada Official (@PTIOfficialCA) November 28, 2025
दरम्यान, इम्रान खान आणि त्यांच्या पत्नीवर सुरू असलेल्या खटल्याला विलंब होत आहे. याविरोधात पक्षाचे पीटीआयचे आमदार दर मंगळवारी उच्च न्यायालयाबाहेर शांततापूर्ण निषेध आंदोलन करतील असेही आफ्रिदी यांनी पत्रकारांशी बोलताना सांगितले.
