हिंदुस्थानसह अनेक देशांमधील फेसबुक आणि इन्स्टाग्राम युजर्सना या सोशल मीडिया प्लॅटफॉर्म्सचा वापर करताना अडचणींचा सामना करावा लागला. हजारो युजर्सनी तक्रार केली आहे की, हे ॲप्स एकतर नीट लोड होत नाहीत किंवा फीड रिफ्रेश होण्यात अपयशी ठरत आहेत. यामुळे अनेकांना या सेवा नेहमीप्रमाणे वापरता येत नाहीत.
ही समस्या हिंदुस्थानी वेळेनुसार संध्याकाळी ७ वाजण्याच्या सुमारास सुरू झाल्याचे दिसते. डाउनडिटेक्टर या आउटेज-ट्रॅकिंग वेबसाइटवर तक्रारींमध्ये अचानक मोठी वाढ नोंदवली गेली. युजर्सच्या अहवालानुसार, हा व्यत्यय कोणत्याही एका विशिष्ट प्रदेशापुरता मर्यादित नाही, कारण अनेक देशांमधील लोकांनी एकाच वेळी अशाच प्रकारच्या समस्या नोंदवल्या आहेत. हिंदुस्थानातही अनेक शहरांमधील युजर्सनी मेटाच्या मालकीचे हे प्लॅटफॉर्म वापरताना अडचणी येत असल्याचे सांगितले.
