असं झालं तर… मोबाईलवर फ्रीमध्ये सिबिल स्कोअर तपासा

सिबिल स्कोअर कमी असेल, तर ग्राहकांना होम, कार किंवा एज्युकेशन लोन मिळण्यात मोठ्या अडचणी निर्माण होतात. त्यामुळे आपला सिबिल स्कोअर किती आहे, हे घरी बसूनच तपासा.

सिबिल स्कोअर ७३० पेक्षा कमी असल्यास बँक कर्ज नाकारू शकते. बँकेकडून कर्ज नाकारले जाऊ नये यासाठी आपल्याला आपला सिबिल स्कोअर माहीत असणे आवश्यक आहे.

cibil.com वर जाऊन ‘Get Your Free CIBIL Score’ वर क्लिक करा. नाव, ई-मेल, मोबाईल नंबर प्रविष्ट करून लॉग इन करा. ओटीपीच्या (OTP) मदतीने तुम्हाला तुमचा CIBIL स्कोअर कळेल.

‘भीम’ (BHIM), गुगल पे किंवा फोनपेसारख्या (PhonePe) पेमेंट ॲप्समध्ये सिबिल किंवा क्रेडिट स्कोअरचा पर्याय शोधा. तुमचा मोबाईल नंबर, पॅन कार्ड नंबर आणि ओटीपी टाकताच सिबिल स्कोअर दिसेल.

सिबिलच्या अधिकृत वेबसाईटवर वर्षातून एकदा स्कोअर विनामूल्य तपासता येतो. सिबिल स्कोअर तपासण्यापूर्वी पॅन नंबरशी जोडलेला फोन नंबर सोबत ठेवा.