बोरिवली पश्चिम भागात चार मजली इमारत कोसळल्याची माहिती समोर आली आहे. इमारतीच्या ढिगाऱ्याखाली अनेक जण अडकल्याची शक्यता वर्तविण्यात आली होती. मात्र, यात कोणीही अडकलेले नाही, असे मुंबई महापालिका प्रशासनाकडून सांगण्यात आले.
बोरिवली पश्चिम येथील साईबाबा नगर येथील गीतांजली ही निवासी इमारत पत्यासारखी कोसळली असून या दुर्घटनेनंतर अग्निशमन दलाचे पथक घटनास्थळी दाखल झाले आहे. तसेच 12 ते 15 गाड्या दुर्घटनास्थळी पोहोचल्या आहे. मदतकार्य सुरू करण्यात आले आहे.
View this post on Instagram
दरम्यान, ही इमारत धोकादायक असल्याने ती खाली करण्यात आली होती. त्यामुळे मोठी दुर्घटना टळली आहे. ढिगाऱ्याखाली काहीही नसल्याचे मुंबई पालिका प्रशासनाने सांगितले असून हा ढिगारा लवकरच बाजुला केला जाईल, अशी माहिती दिली.
Maharashtra | A four-storey building collapsed in Saibaba Nagar of Borivali West in Mumbai. Details awaited: Fire Brigade
— ANI (@ANI) August 19, 2022
दुपारी 12 वाजून 45 मिनिटांच्या सुमारास ही घटना घडली. घटनास्थळी अग्निशमन दलाच्या आठ गाड्या, 2 रेस्क्यू व्हॅन एक क्यूआरव्ही, एक कमांड पोस्ट वाहन आणि तीन रुग्णवाहिका तैनात करण्यात आल्या आहेत. कोसळलेली इमारत जीर्ण अवस्थेत होती.
