मुसळधार पावसामुळे गेला आठवडाभर मध्य रेल्वे बेजार झाली आहे. आधीच मध्य रेल्वेवरील वाहतुकीचा बोजवारा उडाला असतानाच आता प्रवाशांच्या त्रासात आणखी भर पडणार आहे. मध्य रेल्वेवर सहा दिवसांचा मेगाब्लॉक घेण्यात येणार आहे. यामुळे पुणे विभागातील लांब पल्ल्याच्या गाड्यांना याचा मोठा फटका बसणार आहे.
कधी घेणार मेगाब्लॉक?
पुणे विभागात हा सहा दिवसांचा मेगाब्लॉक घेण्यात येणार आहे. यामुळे मुंबई-पुणे प्रवास करणाऱ्या प्रवाशांचे मेगा हाल होणार आहेत. दौंड स्थानकावरील विविध कामासाठी 27 जुलै ते 1 ऑगस्ट दरम्यान हा मेगाब्लॉक घेण्यात येणार आहे. मेगाब्लॉक दरम्यान 19 गाड्या रद्द करण्यात येणार आहेत तर 22 गाड्यांचे मार्ग बदलण्यात येणार आहेत.
या गाड्यांचे मार्ग बदलणार
1. लोकमान्य टिळक टर्मिनस ते विशाखापट्टणम एक्स्प्रेस : 29 जुलै ते 1 ऑगस्टदरम्यान पुर्ण-मिरज-कुर्डुवाडी मार्गे रवाना होणार
2. छत्रपती शिवाजी महाराज टर्मिनस ते बंगळुरू एक्स्प्रेस : पुणे-मिरज-कुर्डूवाडी मार्गे रवाना होणार
3 बंगळुरु ते छत्रपती शिवाजी महाराज टर्मिनस एक्स्प्रेस : 27 ते 31 जुलैपर्यंत कुडुवाडी-मिरज-पुणे मार्गे जाणार
4. नागरकोयल-छत्रपती शिवाजी महाराज टर्मिनस एक्स्प्रेस : 28 जुलै रोजी गुंतकल-बल्लारी-हुबळी-मिरज-पुणे मार्गे रवाना होणार
5. छत्रपती शिवाजी महाराज टर्मिनस-नागरकोयल एक्स्प्रेस : 29 जुलै रोजी पुणे-मिरज-हुबळी-बल्लारी-गुंतकल मार्गे धावेल
6. चेन्नई – एकतानगर एक्स्प्रेस : 28 जुलै रोजी गुंतकल-बल्लारी-हुबळी-मिरज-पुणे मार्गे धावणार
7. सोलापूर-पुणे इंटरसिटी एक्सप्रेस तीन दिवसांसाठी रद्द करण्यात येणार आहे.
