शाळा, महाविद्यालयाच्या 100 मीटर परिसरात तंबाखूजन्य पदार्थ विकण्यास मनाई असतानाही नियम धाब्यावर बसवून विद्यार्थ्यांना मादक पेय, तंबाखू, तंबाखूजन्य पदार्थ, अंमली पदार्थ विकणाऱ्या पानटपऱ्यांवर पोलिसांनी कठोर कारवाई केली. परिमंडळ-5 अंतर्गत कोप्ता कायद्यांतर्गत पोलिसांनी 56 पानटपऱ्या जमीनदोस्त करून एकूण 111 कारवाया केल्या आहेत. परिमंडळ-5 चे उपायुक्त गणेश गावडे यांच्या मार्गदर्शनाखाली दादर, शिवाजी पार्क, धारावी, शाहूनगर, माहीम, कुर्ला आणि व्ही. बी. नगर पोलीस ठाण्याअंतर्गत विशेष मोहीम राबवून कारवाई केली.
