हिंदुस्थानी नौदल ज्या क्षणाची वाट पाहत होते तो क्षण आता सुरू झाला आहे. जमीन, आकाशानंतर आता पाण्यावरून हल्ला करण्यास सुरवात केली आहे. हिंदुस्थानी नौदलाने पाकिस्तानविरुद्ध हल्ला सुरु केलेला आहे. हवाई दलानंतर आता नौदलही (Indian Navy Attack on Pakistan) अ‍ॅक्शनमध्ये उतरले आहे. अरबी समुद्रात तैनात असलेल्या आयएनएस विक्रांतने कराचीला लक्ष्य करून कहर करायला सुरुवात केली आहे. नौदलाच्या हल्ल्यामुळे कराची बंदरासह शहरात मोठी आग लागली आहे. कराची आणि ओरमारा बंदरांवर क्षेपणास्त्रे डागली आहेत.
संरक्षण सूत्रांनी दिलेल्या माहितीनुसार, पाकिस्तानच्या कराची आणि ओरमारा बंदरांवर आयएनएस विक्रांतवरून अनेक क्षेपणास्त्रे डागण्यात आली आहेत. त्यामुळे दोन्ही बंदरांवर मोठी आग लागली. या हल्ल्यामुळे दोन्ही बंदर शहरांमध्ये धुराचे लोट पसरले आहेत. लोक घाबरून किनारी भाग सोडून आत पळत आहेत.
अहवालानुसार, पाकिस्तानी नौदलाचे कराची आणि ओरमारा येथे तळ आहेत. जिथे त्यांच्या उच्च अधिकाऱ्यांचे मुख्यालय, युद्धनौका आणि पाणबुड्या तैनात आहेत. या दोन नौदल तळांना उद्ध्वस्त करून, आयएनएस विक्रांतने पाकिस्तानी नौदलाला मोठ्या प्रमाणात हादरवून टाकण्यात यश मिळवले आहे. सध्या हिंदुस्थानी नौदलाचे ऑपरेशन सुरू आहे.
