आपल्या प्रत्येकाच्या घरामध्ये तुरटीचा वापर हा काही ना काही कारणांसाठी होत असतो. तुरटीचा वापर प्रामुख्याने पाणी स्वच्छ करण्यासाठी केला जातो. परंतु केवळ पाणी स्वच्छ करण्यासाठी तुरटी मर्यादीत नाही. तर तुरटीचा वापर हा खूप गोष्टींसाठी केला जाऊ शकतो. अँटी-बॅक्टेरियल गुणधर्मांमुळे, तुरटीचा वापर आपल्या घरात शतकानुशतके केला जात आहे. कधी दुखापत झाल्यास रक्तप्रवाह थांबवण्यासाठी, तर कधी पावसात पायाचा संसर्ग कमी करण्यासाठी. दाढी केल्यावर अँटीसेप्टिक म्हणूनही चेहऱ्यावर लावले जाते. केवळ इतकेच नाही तर केसांसाठी सुद्धा तुरटी ही वरदान मानली जाते. आपल्या केसांसाठी खोबरेल तेल हे खूपच फायद्याचे आहे. पण या खोबरेल तेलामध्ये आपण तुरटी मिसळून लावल्यास केसांसाठी अधिक फायदा होऊ शकतो.
केसांसाठी खोबरेल तेलासह तुरटीचा वापर करण्यासाठी, एका छोट्या भांड्यात नारळाचे तेल कोमट करुन घ्यावे. या तेलामध्ये थोडी तुरटीची पूड मिसळावी. हे मिश्रण ब्रशने केसांना न लावता आपल्या हाताच्या बोटांनी केसांच्या मुळाशी लावावे. किमान अर्धा तास ही तेलमिश्रित तुरटी तशीच ठेवून द्यावी. त्यानंतर शॅम्पूने केस धुवावे. न विसरता कंडीशनर लावावे.
Hair Care- आता केस गळणार नाहीत, होतील लांबसडक घनदाट.. या घरगुती उपायांनी केसांना मिळेल नवसंजीवनी
खोबरेल तेलात आपण तुरटी मिसळल्यास त्याचे काय फायदे होतील?
खोबरेल तेल आणि तुरटी एकत्र लावल्याने, केसातील कोंडा कमी होण्यास मदत होते.
तुरटी आणि खोबरेल तेल हे केसांना पोषण देण्यासोबत केसात आर्द्रता टिकवून ठेवते. त्यामुळे केस निरोगी राहण्यासाठी मदत होते.
केवळ केसच नाहीतर, केसांसोबत त्वचेलाही खोबरेल तेल मिश्रित तुरटी लावू शकतो. यामुळे मुरुमांची संख्या हमखास कमी व्हायला मदत होते.
तुरटी खोबरेल तेल लावल्यामुळे केस मुळापासून मजबूत होण्यासही मदत होते.
सध्याच्या घडीला रासायनिक प्रक्रिया केल्यामुळे, अकाली केस पांढरे होण्याचे प्रमाण वाढत आहे. खोबरेल तेल आणि तुरटीचा वापर केल्यामुळे, अकाली केस पांढरे होण्याचे प्रमाण कमी होते.
तुरटी ही केसांच्या मजबूतीसाठी महत्त्वाची मानली जाते. त्यामुळे केस गळण्याची समस्या मोठ्या प्रमाणात कमी होते.
(कोणतेही उपाय करण्याआधी तज्ज्ञांचा सल्ला न विसरता घ्यावा.)
