सकाळी जेव्हा तुम्ही स्वतःला आरशात पाहता तेव्हा तुमची त्वचा निस्तेज आणि थकलेली दिसते का? जर हो, तर कदाचित तुमच्या त्वचेला थोडी सकाळची काळजी घेण्याची गरज असेल. दिवसाच्या सुरुवातीला फक्त 5 मिनिटे तुमच्या त्वचेला दिल्याने तुमची त्वचा निरोगी तर दिसतेच, शिवाय तिची चमकही वाढते. म्हणूनच, सकाळी उठताच 6 नैसर्गिक गोष्टी चेहऱ्यावर लावल्यास त्वचा चमकू लागते.
काकडीचा रस: सकाळी लवकर चेहऱ्यावर थंड काकडीचा रस लावल्याने त्वचा ताजी आणि शांत होते. यामध्ये असलेले अँटीऑक्सिडंट्स त्वचेला डिटॉक्स करतात आणि जळजळ कमी करतात.
मध: मधामध्ये असलेले अँटीबॅक्टेरियल गुणधर्म त्वचेचे बॅक्टेरियापासून संरक्षण करतात आणि ते खोलवर हायड्रेट करतात. सकाळी उठल्यानंतर चेहऱ्यावर मध लावा आणि 5 मिनिटांनी कोमट पाण्याने धुवा.
बर्फ: जर तुम्हाला चेहरा सुजलेला असेल किंवा काळ्या वर्तुळांचा त्रास होत असेल, तर सकाळी उठताच चेहऱ्यावर बर्फ चोळल्याने चमत्कार होऊ शकतात. यामुळे रक्ताभिसरण वाढते आणि त्वचा लगेच घट्ट होते.
गुलाबजल: स्प्रे बाटलीत गुलाबजल भरून सकाळी लवकर चेहऱ्यावर स्प्रे केल्याने त्वचा ताजी तर वाटतेच, शिवाय पीएच संतुलनही राखले जाते.
कच्चे दूध: कच्च्या दुधात लॅक्टिक अॅसिड असते जे मृत त्वचेच्या पेशी काढून टाकण्यास मदत करते. सकाळी कापसाच्या साहाय्याने चेहऱ्यावर दूध लावा आणि 5 मिनिटे तसेच राहू द्या. नंतर पाण्याने धुवा.
कोरफड जेल: सकाळी लवकर उठून, कोरफडीच्या जेलने चेहऱ्याला हलके मसाज करा. यामुळे त्वचा मुलायम होण्यास मदत होते.
Skin Care- डाळिंबाच्या फेस पॅकने तुमचाही चेहरा होईल मऊ मुलायम.. वाचा डाळिंबाचे सौंदर्यासाठी उपयोग
