लडाखमध्ये हिंदुस्थान आणि चीनमध्ये तणाव निर्माण झाला होता. सोमवारी झालेल्या चर्चेनंतर दोन्ही देशांमध्ये तणाव कमी झाला आहे. यादरम्यान सैन्य प्रमुख मनोज नरवणे लडाखमध्ये पोहोचले आहेत. त्यांनी जखमी जवानांची भेटही घेतली आहे.
नरवणे लडाखमध्ये पोहोचले असून त्यांनी जखमी जवानांची भेट घेतली. त्यांनी जवानांशी चर्चाही केली. सैन्य प्रमुख लडाखच्या दोन दिवसांच्या दौर्या्वर आहेत. सुत्रांनी मिळालेल्या माहितीनुसार सैन्य प्रमुख नरवणे हिंदुस्थानी सीमेवरील चौक्यांचा दौरा करणार आहेत. तसेच तिथल्या जवानांशी चर्चा करणार आहेत. गेल्या आठवड्यात हवाई दल प्रमुख एअर चीफ मार्शल भदौरिया यांनीही लडाख आणि श्रीनगरमधील सैनिकांची चर्चा केली. तसेच परिस्थितीचा आढावाही घेतला.
General MM Naravane #COAS interacting with our gallant soldiers at Military Hospital, Leh during his two day visit to Eastern #Ladakh. pic.twitter.com/pG22J7kIs4
— ADG PI – INDIAN ARMY (@adgpi) June 23, 2020
हिंदुस्थानी सैन्याच्या सुत्रांनी दिलेल्या माहितीनुसार कोर कमांडर स्तरावरील चर्चेनंतर लडाखच्या गलवान खोर्यायत दोन्ही देशांच्या सैन्यात सहमती झाली आहे. वादग्रस्त भागातून दोन्ही देशाचे सैन्य माघारी फिरतील, त्याची पद्धती ठरवण्यात आली आहे. ज्या ठिकाणी दोन्ही देशांचे सैनिक भिडले होते तिथून दोन्ही देशाचे सैनिक मागे हटतील यावर सहमती झाली आहे.
कमांडर लेफ्टनंट जनरल हरिंदर सिंह यांनी केले नेतृत्व
लडाखच्या पूर्व भागातील चुशुल मध्ये चीनच्या मोल्डो भागात सोमवारी सकाळी 11.30 च्या सुमारास दोन्ही देशांत चर्चा झाली ही. ही बैठक तब्बल 12 तास चालली. या बैठकीत वरिष्ठ अधिकार्यांतनी लडाखमधील परिस्थितीचा आढावा घेतला. या बैठकीचे नेतृत्व कमांडर लेफ्टनंट जनरल हरिंदर सिंह यांनी केले होते आणि ही बैठक यशस्वी झाली आहे.
