>> मृणाल घनकुटे
महिलांना केस गळतीच्या समस्येला तोंड द्यावे लागते. 30 वर्षे वयाच्या सुमारे 40 टक्के स्त्र्ायांमध्ये केस गळतीची लक्षणे दिसतात. डोक्यावर कमी वयात टक्कल पडलेल्या किंवा प्रचंड केस गळणाऱया लोकांच्या मनात कायम एकच प्रश्न असतो की, माझ्या डोक्यावरचे गेलेले केस परत कधी येतील का? तुमच्या केसांना लांबसडक व घनदाट बनवण्यासाठी बरेच प्रभावी उपाय उपलब्ध आहेत. याबद्दल त्वचा तज्ञ, विवा एस्थेटिक क्लिनिक्सच्या
कॉस्मेटिक डर्माटोलॉजिस्ट डॉ. दीपम शाह यांनी माहिती दिली.
समस्येवर उपचार किती आणि कोणते…
- शारीरिक कारणांवर उपचार ः थायरॉइड विकार, अशक्तपणा, पीसीओएस, सोरायसिस आणि सेबोरेरिक त्वचारोग यांच्यामुळे स्त्र्ायांमध्ये केस गळू शकतात. रोग शोधून उपचार करावा.
- प्रभावशाली औषधे ः केटोकोनाझोल शॅम्पूची शिफारस बऱयाचदा त्वचा तज्ञ करतात. कारण ते एक ऍण्टिफंगल एजंट आहे. हे केवळ केसांच्या वाढीस उत्तेजित करत नाही आणि केसांच्या कुपांना मोकळे करते, परंतु हे सेबोरेरिक त्वचारोगाच्या उपचारांमध्येदेखील मदत करते. केस गळतीच्या उपचारात रेडेंसिल हेही प्रभावी आहे. पेप्टाइड्स टाळूवरील जळजळ कमी करून केसांच्या कूपेमध्ये रक्तप्रवाह वाढवून आणि केसांची जास्त गळती होऊ शकणाऱया मुक्त रॅडिकल्सशी लढा देऊन केसांची वाढ सुधारण्यास मदत करू शकतात.
- पौष्टिक आणि पूरक औषधे ः काही स्त्र्ायांमध्ये लोहाच्या कमतरतेमुळे केस गळू शकतात. लोहाची कमतरता असेल तर केस गळणे टाळण्यासाठी तुम्ही पूरक आहार घ्यावा.
- लेझर उपचार ः केस गळतीवर उपचार करण्यासाठी लेझर थेरपी वापरली जाते.
- पीआरपी उपचार ः केस गळतीवर उपचार करण्यासाठी पीआरपी (प्लेटलेट समृद्ध प्लाझ्मा) थेरपी वापरली जाते. यामध्ये प्लाझ्मा केसांच्या कुपांमध्ये इंजेक्ट केला जातो. पीआरपी थेरपीमध्ये दर 4 ते 6 महिन्यांनी देखभालीसह 4 ते 6 आठवडय़ांच्या कालावधीत अनेक सत्रांचा समावेश असतो.
- प्रत्यारोपण ः आधुनिक केस प्रत्यारोपण प्रक्रियेमध्ये ‘मायक्रो ग्राफ्टस्’ आणि ‘मिनी ग्राफ्टस्’ केले जाते.
- ग्रोथ फॅक्टर कॉन्सन्ट्रेट ः ही व्यक्तीच्या स्वतःच्या रक्तातून विकसित केलेली अत्यंत केंद्रित वाढ होण्यासाठी उपचार पद्धती आहे.
महिलांमध्ये टक्कल पडण्याची कारणे
सतत केस गळणे, केस प्रामुख्याने टाळूच्या वरच्या भागात पातळ होणे हे सहसा केसांच्या मध्यभागी रुंदीकरणाने सुरू होते. ही केस गळतीची लक्षणे आहेत. केस गळतीचे व अतिरिक्त केस गळून टक्कल पडण्याची अनेक कारणे असू शकतात. वृद्धत्व, एन्ड्रोजनच्या पातळीतील बदल, आनुवंशिकता, मासिक पाळीदरम्यान मोठय़ा प्रमाणात रक्त कमी होणे, काही औषधे, इस्ट्रोजेनिक ओरल गर्भनिरोधक, थायरॉइडचे आजार, ताणतणाव.
महिलांच्या केस गळतीवर उपचार करण्यासाठी अनेक पद्धती उपलब्ध आहेत. केस, टाळू आणि संबंधित आजार समजून घेण्यासाठी आणि त्यानुसार सर्वोत्तम उपचार मिळवण्यासाठी त्वचा तज्ञांचा सल्ला घ्या आणि योग्य ती उपचार पद्धती निवडा.
