गुजरातच्या गोध्रा येथे घडलेल्या बिल्किस बानो बलात्कार प्रकरणात जन्मठेपेची शिक्षा भोगत असलेल्या सर्व 11 कैद्यांची गुजरात सरकारच्या माफी योजने अंतर्गत तुरुंगातून सुटका करण्यात आली. 2002 मध्ये बिल्किस बानोवर झालेल्या सामूहिक बलात्कारप्रकरणी हे सर्वजण जन्मठेपेची शिक्षा भोगत होते. जन्मठेप भोगून तुरुंगातून सुटलेल्या 11 नराधमांचे दोन दिवसांपूर्वी गुजरात सरकारतर्फे चक्क मिठाई भरवून, औक्षण करून, गळाभेट आणि पाय धरून, अंगावर फुलांचा वर्षाव करून स्वागत करण्यात आले. यामुळे लोकांनी तीव्र संताप व्यक्त केला.
मात्र बिल्किस बानो प्रकरणातील आरोपी हे चांगले ‘संस्कार’ असलेले ‘ब्राह्मण’ आहेत. असे मत गुजरातमधील गोध्रा येथील भाजपचे आमदार सीके राऊलजी यांनी व्यक्त केले आहे. यामुळे आता नव्या वादाला तोंड फुटले आहे. गुजरात सरकारच्या पॅनेलने एकमताने बिल्किस बानो प्रकरणातील बलात्काऱ्यांना सोडण्याचा निर्णय घेतला. आमदार सीके राऊलजी हे त्या पॅनेलमधील दोन भाजप नेत्यांपैकी एक होते.
“They are Brahmins, Men of Good Sanskaar. Their conduct in jail was good”: BJP MLA #CKRaulji
BJP now terms rapists as ‘Men of Good Sanskar’. This is the lowest a party can ever stoop! 🙏 @KTRTRS @pbhushan1 pic.twitter.com/iuOZ9JTbhh
— YSR (@ysathishreddy) August 18, 2022
भाजप आमदार सीके राऊलजी एका मुलाखतीत म्हणाले की, त्यांनी काही गुन्हा केला आहे की नाही, हे मला माहीत नाही. पण गुन्हा करण्यासाठी त्यांचा काहीतरी हेतू तर असायला हवा. ते ब्राह्मण होते आणि ब्राह्मण चांगले संस्कार असणारे म्हणून ओळखले जातात. कदाचित त्यांना शिक्षा घडावी म्हणून कोणाचा तरी चुकीचा हेतू असावा, खरंतर या आरोपींची तुरुंगात असताना वागणूक चांगली होती. राऊलजी यांचा हा व्हिडिओ सोशल मीडियावर व्हायरल होत असून भाजप आमदारांच्या या वक्तव्यावर टीका केली जात आहे.
