
सामना ऑनलाईन, मुंबई
कोकणात यंदा गौरी-गणपतीच्या सणासाठी मध्य रेल्वेने आणखीन चार स्पेशल गाडय़ा सोडण्याचा निर्णय घेतला आहे. त्यामुळे एकूण फेऱ्यांची संख्या आता १७६ इतकी होणार आहे. मध्य रेल्वेने सीएसएमटी ते सावंतवाडी रोड आणि पुणे-झाराप अशा चार फेऱ्या सोडल्या असून त्यांचे आरक्षण २ ऑगस्टपासून खुले होईल.
- ट्रेन क्र. ०१०१३
मुंबई-सावंतवाडी-मुंबई स्पेशल (२ फेऱ्या) ही गाडी गुरुवार १३ सप्टेंबर रोजी सीएसएमटीहून रात्री ९.२० वाजता सुटून दुसऱ्या दिवशी सकाळी ९.३० वाजता सावंतवाडीला पोहोचेल.
- ट्रेन क्र. ०१०१४
ही परतीच्या प्रवासाची ट्रेन शुक्रवार १४ सप्टेंबर रोजी सावंतवाडीहून सकाळी १० वाजता सुटून सीएसएमटीला त्याच दिवशी रात्री ११ वाजता पोहोचेल.
- थांबे
दादर (ट्रेन क्र. ०१०१४) ठाणे, पनवेल, रोहा, माणगाव, खेड, चिपळूण, सावर्डे, संगमेश्वर रोड, रत्नागिरी, राजापूर रोड, कणकवली, सिंधुदुर्ग, कुडाळ आणि झाराप.
- ट्रेन क्र. ०१४२१
पुणे-झाराप-पुणे (२ फेऱ्या) ही ट्रेन सोमवारी १० सप्टेंबर रोजी पुण्याहून रात्री ११.३० वाजता सुटून दुसऱ्या दिवशी दुपारी २.४५ वाजता झारापला पोहोचेल.
- ट्रेन क्र. ०१४२२
ही परतीची गाडी मंगळवार दि. ११ सप्टेंबर रोजी दुपारी ३.३० वाजता झारापहून सुटून दुसऱ्या दिवशी सकाळी ६ वाजता पुण्याला पोहोचेल.
- थांबे
चिंचवड, लोणावळा, पनवेल, रोहा, माणगाव, खेड, चिपळूण, सावर्डे, संगमेश्वर रोड, रत्नागिरी, बिलवडे, राजापूर रोड, वैभववाडी रोड, कणकवली आणि कुडाळ.
दोन स्लीपर क्लास कोचेस
कोकणात प्रवाशांच्या गर्दीमुळे ट्रेन क्र. ०१०३९ / ०१०४० एलटीटी-झाराप-एलटीटी स्पेशल या ट्रेनना जादा डबे जोडण्यात येणार आहेत. तसेच एक एसी-३ टियर आणि एक जनरल सेकंड क्लास असे दोन डबे.
१) ट्रेन क्र. ०१४३१/०१४३२ पुणे-सावंतवाडी-पुणे स्पेशल.
२) ट्रेन क्र. ०१४३३/०१४३४ पनवेल-सावंतवाडी-पनवेल स्पेशल.
३) ट्रेन क्र. ०१४३५/०१४३६ पनवेल-सावंतवाडी रोड-पनवेल स्पेशल.
४) ट्रेन क्र. ०१४४७/०१४४८ पुणे-सावंतवाडी-पनवेल स्पेशल
५) ट्रेन क्र. ०१४४९/०१४५० पनवेल-रत्नागिरी-पुणे स्पेशल यांना जोडण्यात येतील.




























































