चंद्रपूरमध्ये रुग्णाला नेत असताना 108 एम्बुलन्सला अचानक आग लागली. या आगीमुळे एम्बुलन्समधील सिलेंडर फुटले आणि आगीने रौद्ररुप धारण केले. ही घटना नागभीड – नागपूर महामार्गावरील नागपूर जिल्ह्यातील भिवापूर जवळ घडली.
ही आग शॉटसर्किटमुळे लागल्याची शक्यता वर्तवण्यात येत आहे. या घटनेत चालकाच्या प्रसंगावधानाने जीवितहानी टळली आहे. घटनास्थळी अग्निशमन दल दाखल होण्यापूर्वीच एम्बुलन्स जळून खाक झाली. घटनेची माहिती मिळताच घटनास्थळी पोलीस दाखल झाले.त्यानंतर काही वेळासाठी महामार्ग वाहतुकीसाठी बंद करण्यात आला होता.
