संभाजीनगर जिल्ह्यात 32 नवे कोरोनाबाधित एकूण संख्या 1362 वर

879
corona-virus-new-lates

संभाजीनगर जिल्ह्यात आज 32 नवीन कोरोनाबाधित रुग्णांची वाढ झाल्याने जिल्ह्यात आढळलेल्या कोरोनाबाधितांची एकूण संख्या 1362 एवढी झाली असल्याचे जिल्हा प्रशासनाने कळविले आहे.

शहरात आज आढळलेल्या रुग्णामध्ये गंगापुर (1), मिसारवाडी (1), सिध्देश्वर नगर, जाधववाडी (1), शहानवाज मस्जिद परिसर (1), सादात नगर (1), भवानीनगर, जुना मोंढा (1),जुना बाजार (1),जहागीरदार कॉलनी (2),ईटखेडा परिसर (1),जयभिम नगर (1), शिवशंकर कॉलनी (2), सुभाषचंद्र बोस नगर (4), अल्तमश कॉलनी (1), शिवनेरी कॉलनी एन-9 (1), टिळक नगर (1), एन-4 सिडको (1), रोशन गेट परिसर (1), सादाफ नगर रेल्वे स्टेशन परिसर (1), हमालवाडी, रेल्वे स्टेशन परिसर (1), भाग्यनगर (1), जय भवानी नगर (3), समता नगर (1), सिल्लोड (1)बीड बायपास येथील 1 आणि कन्नड येथील रमानगर या भागातील 1 कोरानाबाधित आहेत. यामध्ये 10 महिला आणि 22 पुरुष रुग्णांचा समावेश आहे.

आतापर्यंत 867 जण कोरोनामुक्त

शहरातील मनपाच्या कोविड केअर केंद्र असलेल्या एमजीएम स्पोटर्स कॉम्प्लेक्स येथून 8, एमआयटी मुलांचे वस्तीगृह येथून 9, किल्लेअर्क येथून 14, शासकीय वैद्यकीय महाविद्यालय व रुग्णालयातून (घाटी) 6, जिल्हा सामान्य रुग्णालयातून (मिनी घाटी) 12, खासगी रुग्णालयातून 7 असे एकूण 56 कोरोनाबाधित रुग्ण आज कोरोनामुक्त होऊन घरी परतले आहेत. त्यामुळे आतापर्यंत जिल्ह्यातून 867 जण कोरोनामुक्त झाले आहेत, असे मनपा प्रशासनाने कळवले आहे.

घाटीत तीन, खासगी रुग्णालयात तीन कोरोनाबाधितांचा मृत्यू

घाटीत शहरातील इंदिरा नगरातील 56 वर्षीय पुरूष, हुसेन कॉलनीतील 38 वर्षीय पुरूष आणि रहीम नगर येथील 55 वर्षीय पुरूष या कोरोनाबाधित रुग्णांचा उपचारादरम्यान मृत्यू झाला. तर खासगी रुग्णालयात मकसूद कॉलनीतील 65 वर्षीय पुरूष, माणिक नगर, गारखेडा परिसर, विजय नगर येथील 76 वर्षीय महिला आणि रोशन गेट येथील 64 वर्षीय पुरूष कोरोनाबाधिताचा उपचारादरम्यान मृत्यू झाला.

खासगी रुग्णालयात आतापर्यंत सात, घाटीत 56 आणि मिनी घाटीमध्ये एका कोरोनाबाधिताचा मृत्यू झाल्याने आतापर्यंत एकूण 64 कोरोनाबाधितांचा उपचारादरम्यान मृत्यू झाल्याचे प्रशासनाने सांगितले.

आपली प्रतिक्रिया द्या