#Corona देशातील कोरोनाग्रस्तांचा आकडा 16 हजाराच्या पार

बातमी शेअर करा :
सामना फॉलो करा

देशातील कोरोनाग्रस्तांचा आकडा 16 हजाराच्या पार गेला आहे. गेल्या 24 तासात देशात 1334 कोरोनाचा नवे रुग्ण आढळून आले असून 27 जणांचा मृत्यू झाला आहे. रविवारी देशातील कोरोनामुळे मृत्यूमुखी पडलेल्यांचा आकडा देखील पाचशेच्या पार गेला आहे. आरोग्य मंत्रालयाने घेतलेल्य़ा पत्रकार परिषदेत ही माहिती देण्यात आली.

‘सध्या देशात कोरोनाचे 15हजार 712 रुग्ण असून त्यातील 2231 रुग्ण हे कोरोनामुक्त झाले आहेत. तर मृतांचा आकडा देखील रविवारी पाचशेच्या पार गेला असून आतापर्यंत 507 जणांचा मृत्यू झाला आहे. असे आरोग्य मंत्रालयाचे सचिव लव अगरवाल यांनी पत्रकार परिषदेत सांगितले.

सध्या देशातील 23 राज्यातील 54 जिल्ह्यात गेल्या 14 दिवसात कोरोनाचा एकही रिग्ण आढळलेला नाही. तर कर्नाटकातील कोडगू व पुदुच्चेरीतील माहे जिल्ह्यात गेल्या 28 दिवसात कोरोनाचा एकही रुग्ण आढळलेला नाही, असे अगरवाल यांनी सांगितले. तर सध्या देशात 755 रुग्णालय हे फक्त कोरोना ग्रस्तांसाठी काम करत असल्याचे देखील त्यांनी सांगितले.