भावे हायस्कूल परिसरातील चहाच्या हॉटेलसमोर 12 जणांना धडक देणाऱ्या मद्यपी वाहनचालकाला न्यायालयाने न्यायालयीन कोठडी सुनावली आहे. त्याने मद्यपान केले होते, तसेच त्याला कार चालवता येत नसल्याचे पोलीस तपासातून स्पष्ट झाले आहे. जयराम शिवाजी मुळे (27) असे कारागृहात रवानगी करण्यात आलेल्याचे नाव आहे. या प्रकरणी कारमध्ये असलेले सहप्रवासी राहुल गोसावी (27), दिगंबर शिंदे (27) यांना तपासासाठी हजर राहण्याची नोटीस पाठवून देत सोडण्यात आले आहे. पोलिसांनी मुळे, गोसावी, शिंदेला ताब्यात घेत त्यांचे जबाब नोंदविले आहेत.
