ओडिसा-झारखंड सीमेवर नक्षलवाद्यांनी केलेल्या आयईडी स्फोटात सीआरपीएफचा एक अधिकारी शहीद झाला. सत्यभान कुमार सिंह असे शहीद अधिकाऱ्याचे नाव असून ते मूळचे उत्तर प्रदेशचे रहिवासी होते. ते सीआरपीएफच्या 134 व्या बटालियनमध्ये तैनात होते.
मिळालेल्या माहितीनुसार, माओवाद्यांनी लुटलेली स्फोटके शोधण्यासाठी सारंडा जंगलात सुरक्षा दलाकडून सर्च ऑपरेशन सुरू होते. एएसआय सत्यभान कुमार सिंह हे देखील या सर्च मोहिमेत सहभागी होते. सर्च मोहिमेदरम्यान सुंदरगड जिल्ह्यातील बलांग गावात नक्षलवाद्यांनी आयईडी स्फोट घडवून आणला. यात सत्यभान सिंह यांचा मृत्यू झाला.
