विरार लोकलमधील महिलांच्या मारहाणीची घटना ताजी असताना रविवारी सीएसएमटी-कर्जत लोकलमध्ये पुरुषांच्या डब्यात दोन प्रवाशांमध्ये राडा झाल्याची घटना समोर आली आहे. घाटकोपर ते मुलुंडदरम्यान धावत्या लोकलमध्ये पुरुष प्रवाशांनी एकमेकांना शिवीगाळ करत हाणामारी केली. या घटनेचा व्हिडिओ सोशल मीडियावर व्हायरल झाला आहे.
भरगर्दीत दोन प्रवाशांमध्ये झालेल्या हाणामारी अन्य प्रवासी संतप्त झाले. अन्य प्रवाशांनी दोघांनाही चोप देत सिग्नलवर गाडी थांबताच खाली उतरवले. गर्दीमुळे प्रवाशांचा संयम सुटत असून लोकलमध्ये अशा हाणामारीच्या घटना वाढत असल्याचे दिसून येते.
