देशभरात 1 जून 2025 पासून काही महत्त्वाचे बदल होणार आहेत. यामध्ये गॅसच्या किमती, बँकेतील एफडीच्या व्याजदरात बदल, क्रेडिट कार्ड आणि एटीएममधून पैसे काढण्यावर आता निर्बंध येणार आहेत. जूनच्या पहिल्याच तारखेपासून एटीएम ट्रान्झॅक्शनवर नवीन फी धोरण लागू केले जाणार आहे. जास्तीचे ट्रान्झॅक्शन केल्यास ग्राहकांना जास्तीचे शुल्क भरावे लागू शकते. क्रेडिट कार्डचा वापर करताना जर ऑटो डेबिट फेल झाले तर दोन टक्क्यांपर्यंत दंड आकारला जाऊ शकतो. यूटिलिटी बिल आणि इंधनसारख्या ट्रान्झॅक्शनवर अतिरिक्त चार्ज आणि इंटरनॅशनल पेमेंटवर एक्स्ट्रा फी द्यावी लागणार आहे. तसेच रिवॉर्ड पॉइंट्सची स्कीमसुद्धा बदलली जाण्याची शक्यता आहे. ईपीएफओचे नवीन 3.0 व्हर्जन आणले जाऊ शकते. हे लागू झाल्यानंतर क्लेम करणे आणि डेटा अपडेट करणे यासारखे काम फटाफट होईल.
