गुगल कंपनीमध्ये काम करणे हे अनेकांचे स्वप्न आहे. परंतु, गुगलने आपल्या एका कर्मचाऱ्याला थांबवण्यासाठी तब्बल 830 कोटी रुपयांची ऑफर देऊ केली होती, असा खुलासा झीरोधाचे को-फाऊंडर निखिल कामत यांच्या पॉडकास्टमध्ये झाला आहे. या पॉडकास्टमध्ये बोलताना निखिल कामत यांनी सांगितले की, युट्यूबचे सीईओ नील मोहन यांनी कंपनी सोडू नये, यासाठी गुगल कंपनीने त्यांना 830 कोटी रुपये देण्याची तयारी दर्शवली होती. ही गोष्ट 15 वर्षांपूर्वीची आहे. परंतु त्यावेळी ही रक्कम खूप मोठी होती. 2011 मध्ये नील मोहन यांना ट्विटरने आपल्याकडे येण्यासाठी विनंती केली. परंतु नील मोहन यांनी ट्विटरकडे जाऊ नये, यासाठी गुगल कंपनीने त्यांच्यासमोर तब्बल 100 मिलियन डॉलर्स म्हणजेच 830 कोटी रुपयांचा प्रस्ताव ठेवला. 2023 मध्ये नील मोहन हे युट्यूबचे सीईओ बनले.
