कोरोना संकटकाळात भाजपने वर्च्युअल रॅलीची सुरूवात केली आहे. सोमवारी गृहमंत्री अमित शहा यांनी ओडिशामध्ये एका रॅलीला संबोधित केले. आपल्या भाषणात त्यांनी राम मंदिर, सर्जिकल स्ट्राईक सारख्या मुद्द्यांना हात घातला. कोरोना संकट काळात केंद्र सरकारच्या काही चुका झाल्या असतील अशी कबुली त्यांनी दिली. पण विरोधी पक्षांनीही काय केले असा सवालही त्यांनी उपस्थित केला.
माजी भाजपध्यक्ष अमित शहा म्हणाले की कोरोनाशी लढताना आमच्याही काही चुका झाल्या असतील. परंतु विरोधी पक्षांनी तरी काय केले? कोणी स्वीडन, अमेरिकेतील लोकांशी चर्चा करत होते. याशिवाय आपण केले काय? पंतप्रधान नरेंद्र मोदी यांनी त्वरित 1.70 लाख कोटी गरजू लोकांना दिले. या काळात ओडिशाचे लोक अनेक भागातून आपल्या घरी पोहोचले. त्यांच्यासाठी पंतप्रधान मोदी यांनी श्रमिक ट्रेन सोडल्या असे शहा म्हणाले.
”विपक्ष के कुछ वक्रदृष्टा आज हम पर सवाल उठाते हैं तो मैं उन्हें पूछता हूं कि उन्होंने क्या किया?
कोई स्वीडन में, कोई अमेरिका में लोगों से बात करता है, इसके अलावा और क्या किया आपने?
मोदी जी ने कोरोना में त्वरित सहायता के लिए 1.7 लाख करोड़ रुपये जरूरतमंदों के लिए दिए हैं।” pic.twitter.com/SLYLk2TQxc
— BJP (@BJP4India) June 8, 2020
बिहारपासून भाजपने या व्हर्च्युअल रॅलींना सुरूवात केली. बिहारमध्ये नितीश कुमारच मुख्यमंत्री पदाचा चेहरा राहतील असे त्यांनी जाहीर केले. भाजप आगामी काळात एकूण 75 व्हर्च्युअल रॅली करणार आहे.
