सरलेल्या वर्षात हिंदुस्थानचा आर्थिक विकास मंदावल्याचे दिसून आले. जानेवारी ते मार्च या तिमाहीत देशाचा आर्थिक विकास दर 7.4 टक्क्यांपर्यंत मंदावला. त्यामुळे 2024-25 मध्ये देशाचा विकास दर (जीडीपी) 6.5 टक्क्यांपर्यंत खाली आला आहे. गेल्या वर्षीच्या तिमाहीतील विकास दराच्या दुलनेत तो 8.4 टक्क्यांनी कमी आहे. तर गेल्या चार वर्षांचा विचार केल्यास हा नीचांकी दर आहे. या उलट गेल्या वर्षी विकास दर 9.2 टक्के इतका होता. सांख्यिकी विभागाच्या सुधारित अंदाजानुसार भारताचा विकास दर 6.5 टक्क्यांपर्यंत मर्यादित राहील. हा विकास दर लक्षणीयरीत्या कमी असल्याची टीका काँग्रेसने केली आहे. मेक इन इंडियाची घोषणा करून दहा वर्षे झाली तरी मनमोहन सिंग यांच्या काळातील विकास दराची बरोबरी करणे मोदी सरकारला शक्य झालेले नाही, अशी टीका काँग्रेस नेते जयराम रमेश यांनी केली.
