जम्मू-कश्मीरमध्ये झालेल्या पहलगाम दहशतवादी हल्ल्याला हिंदुस्थानने ‘ऑपरेशन सिंदूर’ मोहीम राबवून पाकिस्तानला चांगलाच धडा शिकवला. या कारवाईदरम्यान आपल्या जखमी साथीदारांना वाचवणाऱया एका शूर बीएसएफ जवानाचा इंडिगो विमानात सन्मान करण्यात आला. बीएसएफने एक्सवर पोस्ट लिहून याची माहिती दिली. इंडिगोच्या दिल्ली-बंगळुरूच्या क्रू मेंबर्सनी बीएसएफच्या 165 बटालियनचे असिस्टंट सब इन्स्पेक्टर राजप्पा बीडी यांचा सन्मान केला. ‘ऑपरेशन सिंदूर’मध्ये दाखवलेल्या शौर्य आणि देशाप्रति असलेल्या समर्पणामुळे त्यांना हा मान मिळाला. हा व्हिडीओ पोस्ट करताना बीएसएफने इंडिगोचे आभार मानले.
