हॉट एअर बलूनला भीषण आग लागल्याने दुर्घटनेत आठ जणांचा मृत्यू झाला. यात अनेक जण जखमी झाले आहेत. ब्राझीलच्या दक्षिणेकडील सांता कॅटरीना राज्यात शनिवारी सकाळी ही घटना घडली. सांता कॅटरिनाचे गव्हर्नर जॉर्जिनो मेलो यांनी एक्स वर पोस्ट करत घटनेची पुष्टी केली. अपघाताची माहिती मिळताच बचाव पथक तात्काळ घटनास्थळी दाखल झाले.
जॉर्जिनो मेलो यांनी दिलेल्या माहितीनुसार, हॉट बलूनमध्ये 22 पर्यटक होते. सकाळच्या सुमारास उड्डाणादरम्यान पर्यटकांच्या हॉट फुग्याला आग लागली आणि नंतर प्रेया ग्रांडे शहरात तो कोसळला. या अपघातात 8 जणांचा मृत्यू झाला. तर 13 जणांना वाचवण्यात यश आले असून त्यांना उपचारासाठी रुग्णालयात दाखल करण्यात आले आहे. अन्य लोकांचा शोध सुरू आहे.
