तुम्ही स्वतःवर प्रेम करता का? या सात गोष्टी तुम्हाला स्वतःवर प्रेम करायला शिकवतील.
शरीराबाबत सकारात्मकता – आपल्या प्रत्येक दिवसाची सुरुवात स्वतःवर प्रेम दाखवून करा. प्रेमात पडताना कदाचित तुम्हाला हे कळलं नसतं. पण प्रेमाची सुरुवात स्वतःपासून करताना काही गोष्टींकडे लक्ष देणे आवश्यक आहे. स्वतःवर कसं प्रेम करावं हे आपल्याला माहित नसताना इतर कोणीही आपल्यावर प्रेम का करेल? आणि सर्वात महत्वाचं म्हणजे तुमचे आयुष्य स्वतःसोबत घालवावं लागेल. स्वतःवर प्रेम नाही तर पुढे कसं चालेल. कोणत्याही सामान्य प्रेमकथेप्रमाणे, तुमच्या आणि तुमच्यामध्ये वैचारिक आणि भावनिक चढ-उतार असतील. कधीकधी तुम्हाला स्वतःवर प्रेम करणे कठीण होऊ शकते. पण जिथे आयुष्यभर एकत्र राहायचं आहे, तिथे प्रेम नेहमीच पूर्ण आणि बिनशर्त असलं पाहिजे.
स्वत:वरची टीका थांबवा
“अरे, मी किती वाईट दिसते”, “मी इतके खाऊ नये”, “अरे देवा, मी या ड्रेसमध्ये भयानक दिसतो”. आपण स्वतःवर टीका करणे कधी थांबवणार आणि आपण जसे आहोत तसे स्वीकारायला सुरुवात करणार! स्वत:वर प्रेम करण्याची पहिली पायरी म्हणजे अशा प्रकारे किंवा कोणत्याही प्रकारे स्वत:वर टीका करणे थांबवणे. म्हणून तुमची नकारात्मक टीका सकारात्मक समर्थनात बदला, जसे की “मला माझे केस आवडतात.”, “मला ते आइस्क्रीम आवडतं आणि हवं आहे, परंतु त्या अतिरिक्त कॅलरीज बर्न करण्यासाठी मी नक्कीच पुरेसा व्यायाम करेन.” आरशात स्वतःला पाहून आणि स्वतःची प्रशंसा करून दिवसाची सुरुवात करणे चांगले.
आपल्या शरीराची काळजी घ्या
व्यायाम आणि सकस आहार तुम्हाला तंदुरुस्त शरीर तर देतोच, पण त्याचबरोबर मानसिकदृष्ट्याही निरोगी ठेवतो. व्यायामामुळे तुमच्या शरीरात एंडोर्फिन (आनंदी संप्रेरक) उत्सर्जित होण्याचे प्रमाण वाढते, ज्यामुळे हट्टी स्ट्रेस हार्मोन कॉर्टिसॉलचे स्राव कमी होतो. स्वतःला आनंदी ठेवण्यासाठी तुमच्या ज्ञानाचा वापर करा. तसेच नियमितपणे व्यायाम करा – हे तुम्हाला स्वतःबद्दल चांगले वाटण्यास मदत करेल. इतकंच नाही तर वाईट परिस्थितीतही तुम्ही स्वतःला सांभाळू शकाल. संतुलित आहार देखील तुमचे शरीर आणि मन तंदुरुस्त ठेवण्यास मदत करतो. हार्मोन्स संतुलित करून, तुम्ही स्वतःला भावनिक चढ उतार आणि चिडचिडेपणापासून दूर ठेवू शकता. ज्यामुळे तुमचा मूड दिवसभर चांगला राहील.
तुमच्या भीतीचा सामना करा
जर तुम्हाला असे वाटत असेल की तुम्ही विशिष्ट ड्रेसमध्ये चांगले दिसत नाही, तर आरशासमोर उभे रहा, तुमच्या डोळ्यात पहा आणि स्वत: ला सांगा की तुम्ही आज रॉक करणार आहात. आणि जेव्हा तुम्ही तो ड्रेस घालून बाहेर पडाल, तेव्हा तुमच्या आतली सारी भीती नक्कीच संपेल, जी तुम्ही आत्तापर्यंत बाळगत होता. हाच प्रतिबिंब सिद्धांत तुमच्या मानसिक आणि भावनिक समस्यांवर देखील लागू केला जाऊ शकतो ज्याचा तुम्हाला सामना करता येत नाही असे तुम्हाला वाटते. स्वतःला सांगा की तुम्ही हे करू शकता. आपण अयशस्वी झालो तरीही, आपण काहीतरी नवीन आणि धाडसी करण्याचा प्रयत्न केला आहे असा आत्मविश्वास आपल्याला असेल.
स्वतःला माफ करा
हे मुख्यत: स्त्रियांना लागू होते. आपण सर्व माणसे आहोत आणि आपण सर्वजण कधी ना कधी चुका करतो. कधी कधी आपण स्वतः खूप स्वार्थी होतो. हे करणारे तुम्ही एकटे नाहीत. पण जर तुम्ही या गोष्टींसाठी स्वतःला शिक्षा करत राहाल तर नक्कीच तुम्ही स्वतःबाबत खूप निष्ठुर असाल. म्हणून, सर्व प्रथम, स्वतःला क्षमा करण्यास शिका. जेंव्हा तुम्ही चूक कराल तेंव्हा स्वतःला माफ करायला तयार राहा आणि जे गेले ते संपले म्हणून स्वतःशी शांत रहा.
सकारात्मक लोकांसोबत रहा
जर तुम्हाला स्वतःवर प्रेम करायचं असेल, तर लोकांना आनंदी करणं थांबवा.. तुमचे मित्र हुशारीने निवडा आणि केवळ अशा लोकांसोबतच स्वत:ला वेढून घ्या जे तुम्हाला सकारात्मक आणि प्रेरित वाटतात. ज्या लोकांसोबत तुम्ही आनंदी आहात, त्यांना हलकं वाटतं आणि ज्यांचा तुमच्यावर खूप सकारात्मक प्रभाव पडतो. तुमचा जास्त वेळ आणि शक्ती खर्च करणाऱ्या लोकांपासून दूर रहा.
तुम्हाला आनंद मिळवून देणार्‍या गोष्टी करा.
तुमची आवड पुन्हा जागी करा. छंद मग ते हौशी असो वा व्यावसायिक. तुम्हाला आनंद देणार्‍या गोष्टींना वेळ द्या. कला, हस्तकला, पोहणे, नृत्य, वाचन – तुम्हाला आनंद देणारी, तुम्हाला आवडणारी कोणतीही क्रिया, स्वतःवर प्रेम करण्याचा एक उत्तम मार्ग आहे. आपल्या छंदासाठी वेळ घालवणे हा स्वतःवरचं प्रेम दाखवण्याचा एक मार्ग आहे.
स्वतःला आधार द्या
स्थिर रहा आणि स्वतंत्रपणे पुढे जा. तुम्हाला तुमचा दर्जा उच्च ठेवावा लागेल आणि तो राखला जाईल याचीही खात्री करा. जेव्हा कोणीही व्यक्ती तुमच्यावर टीका करते, तुम्हाला खाली पाडते किंवा तुमची दिशाभूल करते तेव्हा तुम्हाला स्वतःसाठी उभं राहावं लागेल. तुमची ओळख जपा. स्वाभिमानाने, तुम्ही स्वतःवर प्रेम करू शकाल.
