केंद्रीय गृह मंत्रालयाने 7 मे रोजी सर्व राज्यांना ब्लॅकआऊट आणि मॉकड्रीलचे निर्देश दिले आहेत. या वेळी सर्व राज्यांमध्ये हवाई हल्ल्याचे सायरन वाजतील. सुरक्षा यंत्रणांना याबाबतचे आदेश देण्यात आले असून आपत्कालीन परिस्थितीत नेमके काय करावे, याची माहिती नागरिकांना व्हावी या हेतूने देशभरात मॉकड्रील होणार आहे. नागरी सुरक्षा अभ्यासाचा भाग म्हणून हे आदेश जारी करण्यात आले आहेत. शत्रूच्या हल्ल्याप्रसंगी स्वतःला सुरक्षित कसे ठेवायचे याचे प्रशिक्षण सर्वसामान्य नागरिक आणि विद्यार्थ्यांना देण्यात येणार आहे.
