उत्तर प्रदेशमध्ये एक गंभीर घटना समोर आली आहे. छेडछाडीच्या अरोपावरून जामिनावार सुटलेल्या आरोपींनी पीडितेच्या आईला मारहाण केली. या मारहाणीत पीडितेच्या आईचा मृत्यू झाला आहे. या प्रकरणी पोलिसांनी सहा जणांना अटक केली आहे.
कानपूरमध्ये 2018 साली आबिद, मिंटू, महबूब, चांद बाबू, जमील आणि फरोज या सहा जणांनी एका अल्पवयीन मुलीची छेड काढली होती. तेव्हा पीडित मुलीच्या पालकांनी पोलिसांत धाव घेत आरोपींच्या विरोधात तक्रार दाखल केली. तेव्हा पोलिसांनी सर्व आरोपींना अटक केली होती. परंतु काही दिवसांपूर्वीच सर्व आरोपींची जामिनावर सुटका करण्यात आली.
A witness in a molestation case succumbed to her injuries at a hospital in Kanpur yesterday. Anant Dev Tiwari,SSP says, ” Accused in the 2018 molestation case were out on bail. A clash broke out between accused&victim’s family while the accused were drinking.” 1/2 (17.1) pic.twitter.com/e0F0cv1ZLu
— ANI UP (@ANINewsUP) January 18, 2020
गुरुवारी सर्व आरोपी पीडित मुलीच्या घरी हत्यारे घेऊन पोहोचले. तसेच तक्रार मागे घेण्यास धमकावू लागले. पीडितेचे कुटुंबीय मागे हटण्यास तयार नव्हते. तेव्हा आरोपींनी सर्व कुटुंबीयांना मारहाण केली. त्यात पीडितेची आई गंभीर जखमी झाली. सर्व जखमींना जवळच्या इस्पितळात दाखल करण्यात आले. तेव्हा पीडितेच्या आईचा मृत्यू झाला.
पोलिसांनी हलगर्जी दाखवल्याचा आरोप पीडितेच्या कुटुंबीयांनी केला आहे. तसेच सदर आरोपींनी यापूर्वीच मारण्याची धमकी दिली होती परंतु पोलिसांनी कुठलीच कारवाई केली नसल्याचे कुटुंबीयांनी सांगितले.
