उष्णतेने हैराण करणारा अर्धा मे महिना संपल्यानंतर आता साऱ्यांच्या नजरा लागल्या आहेत मान्सूनच्या आगमनाकडे. मान्सूनचा पाऊस कधी पासून सक्रीय होणार याकडे सगळ्यांचं लक्षं लागलेलं आहे. देशात यंदा सरासरी पावसाचा अंदाज हवामान खात्याने वर्तवला आहे. मात्र पावसाला कोणत्या दिवसापासून सुरू होणार यासंदर्भात खासगी हवामान अंदाज वर्तविणारी संस्था स्कायमेटनं माहिती दिली आहे. स्कायमेटच्या अंदाजानुसार केरळमध्ये यंदा मान्सून उशिरानं दाखल होणार असल्याचं म्हटलं आहे.
IMD ने देशात सामान्य ते सरासरीपेक्षा कमी पाऊस होण्याचा अंदाज वर्तविला होता. त्यामुळे शेतकरी वर्गात थोडी चिंता होती. मात्र त्यांनी मान्सून कधी सक्रीय होणार, याचा अंदाज जाहीर केलेला नाही. आता स्कायमेटच्या अंदाजाने मात्र शेतकऱ्यांच्या चिंतेत भर पडण्याची शक्यता आहे.
दख्खनच्या पठारावरील भाग, त्याला लागून असलेला पूर्व आणि पूर्वोत्तर क्षेत्रातील काही भागात तसेच उत्तर-पश्चिम क्षेत्रातील काही भागांमध्ये सामन्य पाऊस होण्याची शक्यता त्यांनी वर्तविली आहे.
15 days rainfall forecast. Thunderstorms to start north India after 18 May. Monsoon onset looks feeble and delayed. Hot weather will continue deep into June this year @Mpalawat @SkymetWeather Sowing might also get delayed pic.twitter.com/icRotqodRK
— Jatin Singh (@JATINSKYMET) May 15, 2023
स्कायमेटच्या अंदाजानुसार उत्तरेकडील राज्यात 18 मे नंतर गडगडाट आणि वादळे सुरू होण्याची शक्यता वर्तवली होती. या वर्षी जूनपर्यंत उष्ण हवामान कायम राहणार असल्याची माहिती यामध्ये देण्यात आली आहे. स्कायमेटचे संस्थापक-संचालक जतिन सिंग यांनी 15 दिवसांच्या पावसाच्या अंदाजावर एक ट्विट केले आहे. यामध्ये खरीप हंगामातील पिकांच्या पेरणीलाही उशीर होण्याची शक्यता आहे, असंही म्हटलं आहे.
गेल्या अनेक वर्षांपासून मान्सून सामान्यपणे 1 जून रोजी देशाच्या दक्षिणेकडील राज्य केरळच्या किनाऱ्यावरून हिंदुस्थानात प्रवेश करतो. मात्र यंदा उशिराने येणार असल्याचा स्कायमेटचा अंदाज आहे.
