सामान्यांच्या खिशाला कात्री, सिलिंडरच्या किमतीत 150 रुपयांनी वाढ

बातमी शेअर करा :
सामना फॉलो करा
प्रातिनिधीक फोटो

घरघुती वापराच्या विनाअनुदानित सिलिंडरच्या किमतीत तब्बल दिडशे रुपयांनी वाढ करण्यात आली आहे. ही भाववाढ म्हणजे सामान्यांच्या खिशाला कात्री असल्याचे बोलले जात आहे. याआधी महिनाभरापूर्वीच म्हणजे 1 जानेवारी 2020 ला विनाअनुदानित सिलिंडरच्या दरात भाववाढ केलेली होती.

मुंबईत आता विनाअनुदानित सिलिंडरसाठी 829.50 रुपये मोजावे लागणार आहेत. मुंबईत सिलिंडरच्या किमतीत 145 रुपयांनी वाढ करण्यात आली आहे. दिल्लीत 144 रुपयांनी, चेन्नईत 147 रुपयांनी तर कोलकातात 149 रुपयांनी वाढ करण्यात आली आहे. कोलकात्यातील नागरिकांना विनाअनुदानित सिलिंडरसाठी तब्बल 896 रुपये मोजावे लागणार आहेत.