संभाजी ब्रिगेडचे प्रदेशाध्यक्ष प्रवीण गायकवाड यांच्यावरील हल्ल्याप्रकरणी आरोपींना अटक करण्यात आली आहे. हल्ला करणारा दीपक काटे हा भाजप युवा मोर्चाचा सरचिटणीस आहे. मात्र या हल्ल्याचे मास्टरमाईंड भाजप प्रदेशाध्यक्ष चंद्रशेखर बावनकुळे आहेत, असा आरोप प्रवीण गायकवाड यांनी केला आहे. आज एका आयोजित पत्रकार परिषदेत त्यांनी हा आरोप केला आहे.
पत्रकार परिषदेत बोलताना प्रवीण गायकवाड म्हणाले की, चंद्रशेखर बावनकुळे हे दीपक काटे यांचे गॉडफादर आहे. यावेळी त्यांनी काही व्हिडीओही समोर आणले. या व्हिडीओत चंद्रशेखर बावनकुळे दीपक काटे याला उद्देशून म्हणताना दिसत आहे की, “देवेंद्र फडणवीस आणि मी स्वतः तुझ्या पतीशी आहोत.”
प्रवीण गायकवाड म्हणाले आहेत की, “माझी आज अशी मागणी आहे की, सरकारला जर नैतिकता साबूत असेल तर या घटनेचा मास्टरमाइंड हे बावनकुळे आहेत. बावनकुळे हे आता महसूल मंत्री असून, ते दोन नंबरचे मंत्री आहेत. ते सभागृहात आणि प्रसारमाध्यमांपुढे खोटे बोलत आहेत.”
