हिंदुस्थानी क्रिकेटला रत्नांसह भारतरत्न घडवून देणाऱया गुरू द्रोणाचार्य रमाकांत आचरेकर यांना गुरुपौर्णिमेनिमित्त आदरांजली वाहण्यासाठी त्यांचे ज्येष्ठ श्रेष्ठ शिष्य छत्रपती शिवाजी महाराज पार्प येथील त्यांच्या स्मारकाजवळ एकत्र येणार आहेत. त्यामुळे क्रिकेटविश्वातील दिग्गज शिष्यांच्या उपस्थितीत ही आगळी गुरुपौर्णिमा साजरी केली जाणार असल्याची माहिती सुनील रमणी यांनी दिली.
आपल्या अद्भुत मार्गदर्शनामुळे क्रिकेटच्या रथी महारथींना घडवणारे शिल्पकार गुरू रमाकांत आचरेकरांना वंदन करण्यासाठी त्यांच्या कर्मभूमीत म्हणजेच छत्रपती शिवाजी महाराज पार्पच्या गेट क्रमांक 5 वर त्यांच्या स्मारकाजवळ त्यांचे लहान-थोर शिष्य उद्या गुरुवारी सायंकाळी 6 वाजता एकत्र येणार आहेत. सर्वांनीच आपल्या गुरूंबद्दल पृतज्ञता व्यक्त करण्यासाठी त्यांना आदरांजली वाहण्यासाठी उपस्थित राहण्याचे आवाहन त्यांच्या शिष्यांकडून करण्यात आले आहे.
