रत्नागिरी – गुरांची तस्करी करणाऱ्या गाडीला पकडली

बातमी शेअर करा :
सामना फॉलो करा

मिरजोळे जांभुळ फाटा येथून गुरांची गाडी भरुन जात असल्याची माहिती श्री शिवप्रतिष्ठान च्या कार्यकर्त्यांना समजली तेव्हा ते ताबडतोब घटनास्थळी पोहोचले असता गावातील लोकांनी ही गाडी अडवून ठेवली होती. गाडीचा हौदा काळ्या ताडपत्री ने झाकण्यात आला होता, ताडपत्री उघडुन पाहिल्यावर लक्षात आले की, गाडीमध्ये 2 बैल संशयित रित्या तोंडाला दोरी करकचुन बांधुन ठेवण्यात आली होती. त्यांना ओरडता येऊ नये अशा पध्दतीने त्यांचे तोंड बांधुन ठेवले होते. तेव्हा कार्यकर्त्यांनी पोलिसांशी संपर्क करुन सदर प्रकार शहर पोलीस ठाणे येथे कळविण्यात आले.पोलीस तात्काळ घटनास्थळी पोहोचून गाडी व चालक – मालक यांना शहर पोलीस ठाण्यात हजर करण्यात आले. तेव्हा त्यांच्यावर बेकायदेशीर गुरांची वाहतुक व प्राणी संरक्षण कायद्या अंतर्गत गुन्हा दाखल करण्यात आला.