महाराष्ट्र-कर्नाटक सीमावादाचा प्रश्न चिघळण्याची शक्यता असून या मुद्द्यावरुन शिवसेनेचे नेते खासदार संजय राऊत यांनी मुख्यमंत्री एकनाथ शिंदे यांच्यावर ‘आता कुठे गेला स्वाभिमान’ असा सवाल करत जोरदार टीका केली होती. संजय राऊत यांच्या प्रश्नांमुळे मिंधे गट चांगलाच अडचणीत येत आहे. अखेर राऊतांचे प्रश्न रोखण्यासाठी त्यांना धमकीवजा इशारे दिले जात आहेत.
मिंधे गटाचे मंत्री शंभुराज देसाई यांनी पत्रकार परिषदेत प्रश्नांची उत्तरं देताना संजय राऊत यांना पुन्हा तुरुंगात जावे लागू शकते, असा धमकीवजा इशाराच दिला आहे. शंभुराज देसाई म्हणाले की, ‘महाराष्ट्र-कर्नाटक सीमावादाबाबत संजय राऊत हे एकनाथ शिंदे यांच्यावर नाहक आरोप करत आहेत. त्यांनी आपले तोंड आवरावे. तुम्ही साडेतीन महिन्यांचा आराम करून बाहेर आला आहात. बाहेरचं वातावरण तुम्हाला सूट होत नाही, असे तुमच्या वाटत आहे. तुम्हाला पुन्हा आराम करण्याची वेळ येऊ नये. त्यासाठी अशी वक्तव्ये करणे टाळा’. राऊत यांचे प्रश्न मिंधे गटाची पोलखोल करत असल्याने गटाने त्यांची धास्ती घेतली आहे.
Is ths an open threat,Mr Minister?
While State govt is mum on the issue of our Pride,those raising voice for Maharashtra r seen as enemies
It’s evident tht Law & Judiciary is undr pressure
Bt ppl wil not sit n watch
It’s clear now,those speakng the Truth wil b sent to jail! pic.twitter.com/ZmQEKDBNiB
— Sanjay Raut (@rautsanjay61) December 7, 2022
शंभुराज देसाई आणि चंद्रशेखर बावनकुळे यांनी मला धमक्या दिल्या आहेत. हे या देशातले स्वयंघोषित न्यायसंस्था आहेत का, असा प्रश्न शिवसेना नेते, खासदार संजय राऊत यांनी केला आहे. त्यांनी ट्वीट करून, ही थेट धमकी आहे का? राज्य सरकार या मुद्द्यावर मूग गिळून गप्प बसलं असताना जे या मुद्द्यावर आवाज उठवताना दिसत आहेत, त्यांना महाराष्ट्राचे शत्रू म्हटलं जात आहे. कायदा आणि न्यायव्यवस्था दबली जात असल्याचा हा खूप मोठा पुरावा आहे. पण, लक्षात ठेवा की ही भूमी डॉ. आंबेडकर आणि रामशास्त्री प्रभुणे यांच्या विधिज्ञांची आहे. लोकं शांत राहून हे सर्व पाहणार नाहीत. पण, एक मात्र नक्की की जे खरं बोलतील ते आता जेलमध्ये जातील, अशी सणसणीत टीका संजय राऊत यांनी ट्वीटच्या माध्यमातून केली आहे.
Minister @shambhurajdesai has threatened me to keep quiet or go back to jail. BJP state Prez @cbawankule uses the same language.
Well,I have a question- Do they own the Law & Judiciary of the country?
Remember,this is the land of the great Dr Ambedkar & Ram Shastri.@SCofInd https://t.co/IDwZgoQ09Q
— Sanjay Raut (@rautsanjay61) December 7, 2022
