उत्तर प्रदेशातील लखीमपूर येथे झालेल्या हिंसाचाराचा राष्ट्रवादी काँग्रेसकडून कडाडून निषेध करण्यात आला आहे. पक्षाचे अध्यक्ष खासदार शरद पवार यांनी हा शेतकऱ्यांचा आवाज दाबण्याचा क्रुर प्रकार असल्याचे म्हटले आहे तर प्रदेशाध्यक्ष जयंत पाटील यांनीही आपला निषेध नोंदवला आहे.
लखीमपुर येथील घटना अत्यंत निषेधार्ह आहे. मी माझ्या प्रत्येक भाषणात सांगतो की, सत्तेत बसलेल्या लोकांना शेतकऱ्यांप्रती द्वेष आहे, आज त्याची पुन्हा प्रचिती आली. सत्तेच्या नशेला जाब विचारण्याची ही वेळ आहे असे ट्वीट करत जयंत पाटील यांनी या घटनेत शहीद झालेल्या शेतकरी बांधवांना श्रद्धांजली अर्पण केली आहे.
