मनोरमाबाई आपटे स्मृती क्रिकेट स्पर्धेच्या 16 वर्षांखालील मुलींच्या अंतिम सामन्यात शारदाश्रम विद्यामंदिर इंग्लिश शाळेने पराग इंग्लिश शाळेवर मात करत जेतेपद पटकावले. प्रथम फलंदाजी करताना पराग इंग्लिशने 22 षटकांत 3 बाद 173 धावा केल्या. प्रत्युत्तरात शारदाश्रमने 21.4 षटकांत 2 बाद 174 धावा करून लक्ष्य गाठले. स्पर्धेचा बक्षीस वितरण समारंभ माजी क्रिकेटपटू वामन आपटे, प्रदीप सुंदरम आणि नदीम मेमन यांच्या हस्ते झाले.
