फोंडाघाट येथे दोन ट्रकची समोरासमोर धडक होऊन अपघात झाला. या अपघातात एका ट्रकचा चालक आणि दुसऱ्या ट्रकचा क्लीनर जखमी झाला. याप्रकरणी कणकवली पोलीस ठाण्यात एका ट्रक चालकाविरोधात गुन्हा नोंद करण्यात आला आहे. फोंडाघाटातील पूनम हॉटेल नजीकच्या वळणावर शनिवारी दुपारी 3.30 वाजण्याच्या सुमारास हा अपघात झाला. ओंकार शिवानंद उदगट्टी असे गुन्हा दाखल झालेल्या चालकाचे नाव आहे.
दिनेश प्रकाश बेगडे (रा. करवीर – कोल्हापूर) हे आपल्या ताब्यातील ट्रक घेऊन फोंड्याहून कोल्हापूरच्या दिशेने जात होते. यादरम्यान फोंडा घाटातील पूनम हॉटेल मॅजिकच्या एका वळणावर समोरून येणाऱ्या ट्रकने बेगडे यांच्या ट्रकला धडक दिली. या अपघातात दिनेश बेगडे यांच्या दोन्ही गुडघ्यांना गंभीर दुखापत झाली तर दुसऱ्या ट्रकमधील क्लीनर शिवानंद उदगट्टी यांना किरकोळ दुखापत झाली. जखमी दिनेशला कोल्हापूर येथील रुग्णालयात उपचारासाठी दाखल करण्यात आले आहे.
