एका स्पॅनिश माणसाने भाजी समजून चुकून उंदराचे डोके चावले. जुआन जोसने आटिचोक (बीट सारखी भाजी) गृहीत धरून उंदीर खाल्ला आणि जेव्हा त्याला हे समजले तेव्हा तो फ्रान्समधील सुपरमार्केटवर संतापला आणि त्याच्या विरोधात तक्रारही दाखल केली.
काय आहे संपूर्ण प्रकरण?
यूके वेबसाइट इंडिपेंडंटवर प्रसिद्ध झालेल्या वृत्तानुसार, जोसने फ्रोझन यांनी भाज्या आणि बटाटे फ्रेंच सुपरमार्केटमधून विकत घेतले होते. घरी येऊन त्याने भाजी बनवून ताटात सर्व्ह केला तेव्हा त्याला त्याच्या जेवणात एक काळी वस्तू दिसली. जोसने आधी त्याच्याकडे दुर्लक्ष केले. आटिचोक आहे असे तो समजला.
पण जोसने तो पदार्थ चावला त्याबरोबर त्याला काहीतरी विचित्र वाटले. जे काही खाल्ले ते कुरकुरीत वाटायचे. जोसने त्याच्या अन्नाकडे काळजीपूर्वक पाहिले तेव्हा त्याला दोन डोळे त्याच्याकडे पाहत असलेले दिसले. काही मिशा दिसल्या. मग त्यांनी जे खाल्ले ते आटिचोक नसून उंदीर आहे हे त्याच्या लक्षात आले.
जोसने फ्रेंच सुपरमार्केटच्या विरोधात तक्रार दाखल केली आहे, ज्यात त्याच्या अन्नात उंदराचे डोके सापडल्याचा उल्लेख आहे. जोसच्या तक्रारीवर सुपरमार्केटनेही कारवाई केली आहे.
सुपरमार्केटच्या प्रवक्त्याने सांगितले की, ‘आम्ही उत्पादनाच्या निर्मात्याशी संपर्क साधला असू शहानिशा करत आहोत. आम्ही त्याचा तपास जलद करू आणि या संदर्भात ग्राहकांना सर्व माहिती देऊ.’
