
सामना ऑनलाईन । सिडनी
ऑस्ट्रेलियाचा वेगवान गोलंदाज मिचेल स्टार्क आणि “फिरकीवीर” नॅथन लॉयन या दोघांनाही हिंदुस्थान आणि दक्षिण आफ्रिकेविरुद्धच्या टी-20 सामन्यांसाठी विश्रांती देण्यात आली आहे. ऑस्ट्रेलियाचे प्रशिक्षक जस्टीन लँगर यांनी गुरुवारी ही घोषणा केली. ऑस्ट्रेलियाचा संघ 17 नोव्हेंबर रोजी दक्षिण आफ्रिकेविरुद्ध एक टी-20 सामना खेळणार आहे. तर हिंदुस्थानविरुद्धच्या तीन टी-20 सामन्यांच्या मालिकेला 21 नोव्हेंबरपासून सुरुवात होणार आहे. पीटर सीडल आणि मिचेल मार्श यांनाही या लढतीच्या संघातून बाहेर ठेवण्यात आले आहे. मार्कस् स्टॉइनिस आणि जेसन बेहेनडॉर्फ या दोघांचा संघात नव्याने समावेश करण्यात आला आहे.
ऑस्ट्रेलिया संघ : अॅरोन फिंच (कर्णधार), अॅलेक्स कॅरी, अॅश्टन अगर, जेसन बेहेनडॉर्फ, नॅथन कुल्टर-नाइल, ख्रिस लिन, ग्लेन मॅक्सवेल, बेन मॅक्डरमॉट, डीआर्सी शॉर्ट, बिली स्टॅनलेक, मार्कस् स्टॉइनिस, अॅण्ड्र्यू टाय, अॅडम झम्पा.




























































