बारामती लोकसभा मतदारसंघातील बारामती, इंदापूर, दौंड आणि खडकवासला या तालुक्यांमध्ये मतदान प्रक्रिये वेळी गैरप्रकार होऊ शकतात. हे प्रकार रोखण्यासाठी ते पूर्णपणे संवेदनशील जाहीर करून इन कॅमेरा मतदान घ्या. मतदानाची प्रक्रिया सुरू असताना पॅमेरेही उपलब्ध असावेत, अशी मागणी महाविकास आघाडीच्या उमेदवार सुप्रिया सुळे यांनी निवडणूक आयोगाकडे केली आहे. सुप्रिया सुळे यांनी बारामती मतदारसंघाच्या निवडणूक निर्णय अधिकारी कविता द्विवेदी यांना आज पत्र देऊन ही मागणी केली आहे. निवडणूक प्रचाराच्या काळामध्ये बारामती मतदारसंघात दमदाटीच्या अनेक तक्रारी होत्या. तसाच प्रकार मतदानावेळी घडू शकतो, अशी भीती त्यांनी पत्रात व्यक्त केली.
n मला मिळालेल्या माहितीनुसार या विधानसभा मतदारसंघात मोठय़ा प्रमाणात गैरप्रकार होण्याची शक्यता नाकारता येत नाही म्हणून त्याचबरोबर पोलीस प्रशासनानेही अतिसंवेदनशील मतदान पेंद्रांवर बंदोबस्त ठेवावा, असे सुप्रिया सुळे यांनी पत्रामध्ये म्हटले आहे.
