
इराणच्या राजधानी तेहरानमध्ये गेल्या आठवडय़ात युक्रेनचे विमान कोसळून झालेल्या भीषण अपघातानंतर इराणनेच या विमानावर क्षेपणास्त्र्ा डागले असा आरोप ब्रिटन आणि कॅनडाकडून होत असतानाच क्षेपणास्त्र्ाामुळे नक्कीच हे विमान पडले नाही, असा दावा इराणचे हवाई दलप्रमुख अली अबेदझादेह यांनी शुक्रवारी केला. तेहरानमध्ये एका पत्रकार परिषदेत ते बोलत होते. ते पुढे म्हणाले की, विमानाच्या ब्लॅक बॉक्समध्ये अपघात नेमका कोणत्या कारणामुळे झाला ते कळेलच, पण आता तरी क्षेपणास्त्रामुळे हा अपघात झाला नाही हेच नक्की, असेही त्यांनी स्पष्ट केले.
























































