अभिनेता अनिल कपूर यांच्या आई निर्मल कपूर ऊर्फ सुचित्रा यांचे आज निधन झाले. त्या 90 वर्षांच्या होत्या. त्यांच्या पश्चात बोनी, अनिल, संजय आणि रीना ही मुले तसेच सुना, नातवंडे असा परिवार आहे.
प्रकृतीच्या कारणांमुळे निर्मल कपूर यांना गेल्या आठवडय़ात अंधेरीच्या कोकिलाबेन अंबानी रुग्णालयात दाखल करण्यात आले होते. रुग्णालयात उपचार सुरू असतानाच त्यांची प्राणज्योत मालवली. गेल्या वर्षी आईच्या वाढदिवसाला अनिल कपूरने ‘90 वर्ष प्रेम, बळ आणि अमर्याद त्यागाचे उदाहरण. तुझा मुलगा असणे ही माझ्यासाठी भाग्याची गोष्ट आहे,’ अशी भावनिक पोस्ट लिहिली होती.
