केवळ भांडवलदार व बडे उद्योगपती यांनाच सर्व सुविधा देणे व गोरगरिबांच्या प्रश्नाकडे दुर्लक्ष करणे हे भाजपचे ‘क्रोनी कॅपिटालीजम’ चे धोरण भाजपचे मुख्यमंत्री डॉ. प्रमोद सावंत यानी गोव्याची अर्थव्यवस्था पुनरुजिवीत करण्यासाठी नेमलेल्या समितीवरील सदस्यांची नावे वाचून उघड झाले आहे, असा आरोप प्रदेश काँग्रेसचे सरचिटणीस अमरनाथ पणजीकर यांनी केला आहे.
The Crony Capitalism agenda of @BJP4Goa is once again exposed with @goacm @DrPramodPSawant including only Industrialists & Enterpreneurs & sidelining Labour Unions, Bar & Tavern Owners, Motorcycle Pilots & Rickshaws, Gaadas & Bakers in the Economic Revival Committee. @INCGoa pic.twitter.com/vAOqc70c8E
— Amarnath Panjikar (@amarnathpanjika) April 12, 2020
सरकारने शनिवारी जाहिर केलेल्या समितीत बडे उद्योगपती व उद्योजक यांचीच नावे असून, यातील बहुतेक जणांचा आपल्या उद्योग-व्यवसायासाठी सरकारकडुन आर्थिक फायदा मिळचिण्याचा प्रयत्न असेल, असा आरोप करून पणजीकर म्हणाले, स्वतःचे हितसंबंध गुंतलेले असताना ते इतरांचा विचार कसा काय करतील हे कळणे कठीण आहे असे पणजीकर म्हणाले.
पणजीकर म्हणाले, सदर समितीवर लहान व्यावसायिक, गाडे व्यापारी, बेकरीवाले, मोटरसायकल पायलट व रिक्षा असोसिएशन, कामगार संघटना, बार, केश कर्तनालय अशा लहान व्यावसायिकांच्या प्रतिनीधींना स्थान देण्यात आलेले नाही. आज खरी म्हणजे या लोकानांच सर्वाधिक आर्थिक झळ बसलेली असुन, असंवेदनशिल सरकारला मात्र त्याचे पडलेले नाही.
गोव्यातील भाजप सरकार मोदींचाच कित्ता गिरवत आहे, असे सांगून पणजीकर म्हणाले, लॉकडाऊनच्या पहिल्या आठवड्यात लहान बाळ, वयोवृद्ध यांना दूध व पावा पासुन वंचित ठेवुन भाजपचे मंत्री आमदार व पदाधिकारी हे जीवनावश्यक वस्तुंची साठेबाजी करण्यात गुंतले होते हे जनता विसरलेली नाही. केवळ 2022 च्या निवडणुकांसाठी मतदार माहिती मिळवीण्याचा छुपा अजेंडा घेऊन, कोणतेही सुरक्षा कवच न देता अंगणवाडी सेविका, शिक्षक व इतर कर्मचाऱ्याना सरकारने आज सामाजिक सर्वेक्षणाच्या नावाखाली कोरोना विषाणूच्या विळख्यात ढकलले आहे, असा आरोप देखील पणजीकर यांनी केला आहे. यात काही बरे-वाईट झाल्यास गोमंतकीय जनता या सरकारला कदापी माफ करणार नाही, असा इशारा पणजीकर यांनी दिला आहे.
