व्हॉट्सअॅप सतत आपल्या युजरसाठी नवनवीन फिचर आणत असते. आता कंपनी सध्या एका भन्नाट फिचरवर काम करत आहे. हे फिचर रोलआऊट झाल्यानंतर युजर्सना व्हॉट्सअॅपमधील चॅट बॉक्समध्ये जाऊन रंग बदलण्याची मुभा मिळणार आहे. त्यामुळे चॅटिंग करण्याचा अनुभव आणखी जबरदस्त होणार आहे. मात्र हे फिचर कधी लाँच होणार याबाबत कंपनीने अधिकृतरीत्या सांगितले नाही. डब्ल्यूएबेटा इन्फो या वेबसाईटने नुकतीच ट्विट करून याबाबतची माहिती दिली आहे. या ट्विटमध्ये या फिचरचे काही स्क्रीनशॉर्टदेखील जोडण्यात आले आहेत. याशिवाय कंपनी आगामी काळात युजरसाठी मल्टी डिवाईस सपोर्ट, लॉग आऊट, रीड लेटर हे फिचर लाँच करणार आहे.
