सोने-चांदी पुन्हा महागले, ऐन लग्नसराईत ग्राहकांना महागाईच्या झळा

बातमी शेअर करा :
सामना फॉलो करा

सोने-चांदीच्या दरांमध्ये पुन्हा एकदा वाढ झाली आहे. दिल्ली सराफा बाजारामध्ये प्रति तोळ्यामागे सोन्याचा भाव 242 रुपयांनी वाढला (Gold Price Today) आहे. त्यामुळे 10 ग्रॅम सोन्याची किंमत 47 हजार 242 रुपयांवर पोहोचली आहे. याआधी शुक्रवारीही सोन्याचा भावात वाढ दिसून आली होती.

सोन्यासह चांदीतही तेजी पाहायला मिळाली. चांदीचा दर प्रति किलोमागे 543 रुपयांनी (Silver Price Today) वाढला. एक किलो चांदीचा भाव आता 62 हजार 248 रुपये झाला आहे. शुक्रवारी हाच दर 61 हजार 705 रुपये एवढा होता.

स्वस्तात सोने खरेदी करण्याची संधी

यंदाच्या वर्षी स्वस्तात सोने खरेदी करण्याची तुमच्याकडे अखेरची संधी आहे. सरकारने सॉवरेन गोल्ड बॉन्डच्या विक्रीची तारीख जाहीर केली आहे. आज 29 नोव्हेंबरपासून ते पुढील पाच दिवस ही संधी तुमच्याकडे आहे. यात एक ग्रॅम सोन्यासाठी तुम्हाला 7 हजार 791 रुपये मोजावे लागतील. ऑनलाईन पेमेंट केल्यास 50 रुपयांचा फायदाही होईल.

मिस कॉल देऊन जाणून घ्या भाव

दरम्यान, आता सोने-चांदीचा दर तुम्ही मिस कॉल देऊनही जाणून घेऊ शकता. 22 कॅरेट आणि 18 कॅरेट सोन्याचा दर जाणून घेण्यासाठी तुम्ही 8955664433 या नंबरवर मिस कॉ देऊ शकतो. यानंतर काही वेळात एक एसएमएस तुम्हाला येईल आणि सोन्याचा दर माहिती होईल. तसेच सोन्याच्या भावातील चढउतार पाहण्यासाठी ww.ibja.co या ibjarates.com या वेबसाईटलाही भेट देऊ शकता.