देशात पुढील चार ते पाच दिवसांत उष्णतेच्या लाटेची तीव्रता आणखी वाढणार आहे. मध्य आणि पश्चिम हिंदुस्थानात तापमान धोक्याची पातळी गाठणार आहे. संपूर्ण एप्रिल महिन्यात तापमानात अधूनमधून मोठी वाढ होईल. या पार्श्वभूमीवर हवामान खात्याने नागरिकांना सतर्कतेचा इशारा दिला आहे. देशाचा बराचसा भाग उष्णतेच्या लाटेने ग्रासलेला आहे. बहुतांश राज्यांत तापमान 40 अंशांच्या पुढे गेले आहे. त्यामुळे नागरिकांची दमछाक झाली असून याचा विजेच्या मागणीवरही मोठा परिणाम झाला आहे. या अनुषंगाने हवामानशास्त्र्ा विभागाने (आयएमडी) अलर्ट जारी केला आहे. पुढील चार दिवस तीव्र उष्णता राहणार असल्याचा अंदाज वर्तवून आयएमडीने कामगार मंत्रालय, ऊर्जा मंत्रालय तसेच अग्निशमन विभागाला खबरदारी बाळगण्याचा इशारा दिला आहे.
