घरात कोणताही प्राणी असो किंवा किटक असो. त्यांनी शिरकाव केला का आपल्याला ते नकोसे होते. ते एकदा कधी घरातून बाहेर निघून जातात असे होते. आपण झुरळ आणि इतर छोट्या किटकांना घराबाहेर सहज काढतो. पण, जर घरात उंदराने प्रवेश केला तर आपल्याला खूप त्रास होतो. अशावेळी काय करावे? असा अनेकांना प्रश्न पडतो.तुम्ही काही घरगुती उपाय केल्यास तुम्ही उंदरापासून सहज सुटका होण्यास मदत होईल.
पेपरमिंट स्प्रे
उंदरांचा सुळसुळाट वाढला असेल तर त्यावर पेपरमिंट स्प्रे हा एक उत्तम पर्याय आहे. ज्याठिकाणी उंदीर येतात, त्याठिकाणी पेपरमिंट स्प्रे मारा. उंदराला या पेपरमिंट स्प्रेचा वास अजिबात आवडत नाही. त्यामुळे उंदीर ती जागा सोडून पळ काढतो. तसेच त्यांनी या वासाने घर सोडले का त पुन्हा त्याठिकाणी येणार देखील नाही.
बेसन पीठ आणि तंबाखू
तुम्हाला आश्चर्य वाटेल पण, तंबाखूच्या वासामुळे उंदीर पळून जाण्यास मदत होते. तंबाखूमध्ये वापरण्यात येणाऱ्या घटकांमुळे उंदाराला नशा येते आणि ते त्यांनी खाल्ले की त्यांना फार त्रास होतो. त्यामुळे ते पुन्हा त्या ठिकाणी फिरकत नाही. याकरता तुम्हाला बेसनाच्या पिठात थोडे तूप आणि तंबाखू मिक्स करुन ठेवायचे आहे. बेसनाला खूप छान स्वाद असतो. त्या स्वादाने उंदीर ते खातील आणि त्यानंतर त्यांना नशा येईल. त्यामुळे उंदीर पुन्हा कधीही फिरकणारही नाही.
तुरटी
तुरटी हा उंदराचा मोठा शत्रू आहे. उंदराना पळवण्याकरता तुम्ही तुरटीचा वापर करु शकता. याकरता तुम्हाला तुरटीची पावडर वापरायची आहे. तुरटीचा वापर करुन त्याचे द्रावण तयार करा. हे द्रावण उंदीर येणार त्याठिकाणी फवारणी करा. त्या वासाने उंदीर पुन्हा त्याठिकाणी येणार पण नाही. त्यामुळे हा एक उत्तम आणि अदृश्य असा उपाय आहे. हा नक्की करुन पाहा.
लाल मिरची
तुम्हाला आश्चर्य वाटेल पण उंदराना पळवून लावणारा हा एक उत्तम आणि रामबाण असा उपाय आहे. उंदाराना पळवून लावण्यासाठी लाल मिरचीचा वापर करा. याकरता तुम्हाला लाल मिरचीची पूड उंदीर येण्याच्या जागी पसरवा आणि उंदीर त्याठिकाणी येणार नाही.
कापूरचा करा वापर
उंदराना कापूरचा वास अजिबात आवडत नाही. कापराच्या वासाने त्यांचा जीव गुदमरतो. त्यामुळे ज्याठिकाणावरुन उंदीर येतात त्याठिकाणी आजूबाजूला कापूरच्या वड्या ठेवा. त्याच्या वासाने त्यांचा श्वास गुदमरतो आणि ते त्याठिकाणाहून पळून जातात. तसेच उंदीर त्याठिकाणी पुन्हा फिरकत देखील नाही.
