केस गळती अन् टक्कल पडणे या समस्येवर उपयुक्त ठरतील योगासने

बातमी शेअर करा :
सामना फॉलो करा

योगासनामुळे शारिरिक आणि मानसिक स्तरावर वेगवेगळे फायदे होतात ही गोष्ट सर्वांनाच माहिती आहे. पण तुम्हाला हे माहितीये का? योगासनाच्या माध्यमातून तुम्ही केस गळती रोखून टक्कल पडण्याची समस्याही टाळू शकता. ही गोष्ट तुम्हाला आश्चर्यकारक वाटेल पण नक्की काही योगासने यासाठी महत्त्वपूर्ण ठरतात.

अधोमुख श्वानासन
हे आसन डाउनवर्ड फेसिंग पोझ म्हणूनही ओळखले जाते. सूर्य नमस्कारातील हे एक प्रमुख आसन आहे. या आसनाच्या नियमित सरावाने टाळूमध्ये रक्ताभिसरण मोठ्या प्रमाणात वाढते, त्यामुळे केस गळणे कमी होते. या गोष्टीकडे आपले सहसा लक्ष जात नाही. पण अधोमुख श्वानासनामध्ये डोक्याची स्थिती हृदयाच्या खालच्या दिशेने असते. आपले हिप्स वरच्या बाजूला उचललेले असतात. या आसनामध्ये गुरुत्वाकर्षणाच्या मदतीने डोक्याच्या दिशेने रक्तप्रवाह सुरु होतो. म्हणूनच हे आसन रक्तप्रवाह सुधारण्यासाठी मदत करू शकतो.

सर्वांगासन
हे आश्चर्यकारकरित्या तुमच्या डोक्याच्या वरच्या दिशेने रक्त परिसंचरण वाढवते. चेहऱ्याची त्वचा आणि निरोगी टाळू हे फायदे मिळतात. या आसनात हाताचे पंजे जमिनीवर ठेवायचे असतात. हात आणि पाय ताणून पाय उत्तानपादासनाप्रमाणे जमिनीपासून वर उचलून तसेच धरुन ठेवा. पायाचे पंजे आकाशाच्या दिशेने न्या. श्वास सोडा आणि पाय डोक्याकडे असे आणा की, पुठ्ठे आणि कमरेचा भाग थोडा वर उचललेला असेल.

बालासन
बालसनाचा शाब्दिक अर्थ आहे मुलाची मुद्रा. जर तुमचे केस तणाव किंवा पचनसंस्थेत झालेल्या बिघाडामुळे गळत असतील, तर हे आसन तुमच्यासाठी उपयुक्त ठरेल. पचनक्रिया सुधारण्यास या आसनाचा फायदा होतो. त्यामुळे निर्माण होणाऱ्या समस्या नियंत्रणात आणता येतात.

शीर्षासन
शीर्षासनाचे फायदे देखील बालासनाप्रमाणेच उपयुक्त ठरतात. तुम्ही सराव सुरू करता तेव्हा त्याचे काही अवांछित परिणाम होऊ शकतात. काही मिनिटांतच तुम्हाला तुमच्या डोक्यात चांगले रक्त परिसंचरण झाल्याचे दिसून येईल.

कपालभाती
कपालभाती हा एक श्वासोच्छवासाचा व्यायाम आहे. या आसनाच्या नियमित सरावाने तुम्ही डोक्याच्या भागातील विषारी पदार्थ बाहेर फेकणे शक्य होते. परिणामी ऑक्सिजनचा पुरवठा सुधारतो. यामुळे केसांची वाढ उत्तमरित्या शक्य होते.

उत्थानासन
उत्थानासन हे परम स्ट्रेस बस्टर आहे. मानेच्या वर रक्त आणि ऑक्सिजन परिसंचरण मोठ्या प्रमाणात सुधारण्यास हे आसन उपयुक्त ठरते. उत्तानासन हे हठयोग-शैलीचे आसन आहे जे मध्यम प्रमाणात कठीण असते. हे करण्याचा कालावधी 15 ते 30 सेकंदांच्या दरम्यान असावा. त्यासाठी कोणत्याही प्रकारची पुनरावृत्ती करण्याची आवश्यकता नसते.