कर्मचारी भविष्य निर्वाह निधी संघटना (ईपीएफओ) कर्मचाऱयांसाठी एक आनंदाची बातमी आहे. ईपीएफओने कर्मचाऱयांसाठी ऑटो क्लेम सेटलमेंटची व्याप्ती वाढवत ही मर्यादा 50 हजारांवरून 1 लाख रुपयांपर्यंत वाढवली आहे. घरबांधणी, लग्न किंवा शिक्षणाचे दावे लवकर निकाली निघणार आहेत. यासाठी ईपीएफओने ऑटो क्लेम सोल्यूशन सुरू केले आहेत. यामध्ये ऑनलाईन दावा निकाली काढण्यात येणार आहे. ऑटो क्लेम केल्यानंतर आता हे दावे लवकर निकाली काढले जातील. ईपीएफओने केलेला हा नवीन बदल 16 एप्रिल 2024 पासून लागू करण्यात आला आहे. या नवीन नियमाचा फायदा देशभरातील 27 कोटींहून अधिक खातेधारकांना होणार आहे. यापुढे खाते धारकांना 1 लाख रुपये काढता येतील.
