
एकनाथ शिंदे यांनी हिंदुहृदयसम्राट बाळासाहेब ठाकरे यांचे स्मरण करून उपमुख्यमंत्रीपदाची शपथ घेतली त्यावरून शिवसेना नेते-खासदार संजय राऊत यांनी भाजपवर शरसंधान केले आहे. संजय राऊत यांनी एक्सवर शपथविधीची एक जाहिरात पोस्ट केली आहे आणि त्यावरून शिंदे यांच्यावर टीका केली आहे. ‘‘एकनाथ शिंदे ऊठसूट शिवसेनाप्रमुख बाळासाहेब ठाकरे यांचे नाव वापरतात, पण या प्रमुख जाहिरातीत साहेबांचा फोटो का नाही? हे विचारण्याची हिंमत नाही,’’ असे संजय राऊत यांनी नमूद केले आहे.
नव्या सरकारच्या शपथविधी सोहळय़ाचा मोठा तामझाम भारतीय जनता पक्षाने केला होता. मोठमोठय़ा जाहिराती केल्या गेल्या होत्या. त्यावर महापुरुषांचे फोटो होते. पंतप्रधान नरेंद्र मोदी, पेंद्रीय गृहमंत्री अमित शहा, भाजपाध्यक्ष जे. पी. नड्डा यांचे फोटो होते, परंतु हिंदुहृदयसम्राट शिवसेनाप्रमुख बाळासाहेब ठाकरे यांचा फोटो नव्हता. त्यावरून शिवसेनाप्रेमींमध्ये संताप व्यक्त होत आहे.
























































